Se zovem Martina. Jesi iz Mundimitra, ma do četir godišt živim a Bolonja za študijat, almen nako mislu sekolike (se šalim ovijamend!). Študijam Antropologia. Što je? Je ona stvara za vit kako prominu kulture, tradicijune oš moždane do čeljadi. Morem vam reč istinu? Jesmo proprj štrane mi! Teško nami!
Druge moje pasijune? Beh, jesu čuda hi: mi je drago svirit, igrat, pit (vodu), ist, lejit, koju votu pur študijat, ishodit s mojimi mičiciji, poznat stvare nove, feštijat… Pratikamend mi je drago sekoliko, forke stojit mučeno. Za mene je stvara veče teška. Moremo reč ke “no Martina, no party”!
Stvara ke mi je veče draga je organidzat stvare za moj lipi grad. Za mene Mundimitar je sekoliko, pur si ne živim več nonde.